Harald Gaski lea tjaelije, redaktööre jïh saemien litteratuvren professore Sámi allaskuvlesne jïh saemien kultuvre jïh litteratuvren professore UiT Nöörjen arktihke universiteetesne. Gaski lea gellie learoehgærjah tjaaleme jïh antologijeh redigeereme mah leah dovne saemien, daaroen jïh englaanten gïelesne tjaalasovveme. Harald Gaski lea byögkeles lohkehtæjja jïh håaloje gosse daej aamhtesi bïjre soptsestalledh; Saemien aarvoej jïh aerpiej bïjre, saemien soptsestimmievuekiej jïh retorihken bïjre jïh saemien litteratuvri bïjre mah leah dovne myjhti bïjre jïh daajbaaletje teksti bïjre. Harald Gaskin dotkemesuerkieh leah saemien jïh aalkoeåålmegi estetihke, mohte daej minngemes jaepiej Harald Gaski lea aalkoeåålmehdotkemen teorijes jïh metodologijes tjoelmi/-jïh dåeriesmoeri sïjse aaj tjarngeme.
Harald soptseste jïjtse dååjrehtsi bïjre gosse satne saemien njaalmeldh soptsestimmieh edtja paehpierasse tjaeledh. Soptsestimmeste tjaeliemasse ij leah aelhkie kultuvride gusnie dïhte njaalmeldh soptsestimmie iktegisth jarngesne orreme, mohte jis barre baajijibie dam mijjen njaalmeldh soptsestimmievuekiem aaj tjaeliemasse vååjnedh? Daennie soptsestallemisnie Harald båata dovne artihkeltjaelemen jïh learoehvierhtietjaelemen bïjre soptsestidh – dovne gosse oktegh jallh dåehkesne edtja tjaeledh.
Mij biejjide: 18.02.2022
Mennie mïeresne: Ts. 14.00
Gusnie: ONLINE
Jovkesth bearjedskaaffem mijjine ektesne.
Svaalhtesem daase bïejijibie biejjien åvtelen.
