Åarjelsaemien dajven jïh Helgelaanten njueniehkinie årrodh..
Guvvieh gåeteste - maam arkitekte Kjell Borgen, Oslovistie, guvviedamme lea saemien gåetie.
Gåetien gaskesne "aernie". Klaase mij lea tæhtjosne lea "riehpene" - gubpede soeve berkeste.
Tjaangeldahke loksese - gubpede biejjie låvna.
Båassjosne lea joekoen tjaebpies klaaaseguvvie, maam tjiehpije Oddmund Kristiansen lea dorjeme. Oddmund Kristiansen Noreste, Numedaeleste båata.
Åarjelsaemien derhviegåetesne lea båassjoe. Båassjosne lea raejkie man nomme lea "båassjoeraejkie". Dovletji baeliej dle dovne beapmoeh, lihtieh jïh aaj gievrie dennie båassjosne. Idtjin dellie åadtjoeh båassjosne tjahkasjidh,vealasjidh jallh båassjoem vaedtsedh. Dïhte gïe duvriem gaesvierdamme, lij aajneh gïe åadtjoeji båassjoem båetedh. Dïhte galki båassjoeraejkiem njaaken båetedh - jïh nimhtie derhviegåatan tjaangedh. Gåetesne dah nyjsenæjjah tjahkasjin vijrijem dåastoehtin - tjaebpieslaakan gåårveldihkie lin jïh nimhtie dam vijrijem heevehtin.
Inngun Utsi lea Sïjti Jarngen åejvietjïehtjelen vïedtjide guvviedamme.
Gåetien leah daah tjïehtjelh: Kontovre, gærjagåetietjïehtjelh, dåastove, vierhkiesijjie gusnie åadtjoeh dovne garreduedtine jïh myövhkeduedtine barkedh, vierhtievåarhkoe, våtrom, våarhkoe, sjuevnjedstjïehtjele, juaskadahke, gaarvoevåarhkoe jïh onnegåetieh. Saemien veelle, mij lea Sïjti Jarngen bealese tseegkesovveme, desnie leah dovne derhviegåetie jïh buvrieh.
