Fil.dr. Hanna-Máret Outakoski lea voestes amanuensis Upmejen universiteetesne jïh Nöörjen arktihke universiteetesne (UiT). Outakoski lea lohkehtæjjine Upmejen universiteetesne barkeme jaepien 2001:n raejeste jïh tjaktjen 2021 lea guessielohkehtæjjine Saemien Jillieskuvlesne/Sámi Allaskuvlesne barkeme. Outakoski joekoenlaakan dam saemien online-lohkehtimmiem maahta jïh lea aaj joekoenlaakan darhkeme guktie virtuelle veartenh maehtieh gïelelohkehtimmiem geervealmetjidie dåarjodh. Outakoskin suerkie lea lingvistihke, mohte sov dåakteretjaalegisnie jïh internationelle post.doc prosjektesne lea tjaelemem, sosiolingvistihkem jïh lohkehtimmiedaajroem darhkeme. Dennie lohkehtimmiedaajrosne lij gïeledidaktihke eeremes jarngesne. Outakoskin båetije prosjekth, mah daan gïjren 2022 aelkieh, dellie edtja vuartasjidh jïh vihtiestidh litteracitetspraksijsem gelliengïeleh aarhskuvlesne jïh edtja aaj goerehtidh man vihkele stååkedimmie lea gïelelohkehtimmesne.
Hanna Outakoski Tjaalehraajroe-nehtetjåangkojde meatan sjædta, gusnie edtja sov darhkemen bïjre soptsestidh jïh mijjine soptsestalledh.
3. BOELHKE: Mannasinie litterasiteete vihkele maanabaeleste joe
MIJ BIEJJIDE: 31/03.2022
MENNIE MIERESNE: 16.00-18.00
Gusnie: Online
Mijjieh svaalhtesem daase biejjien åvtelen bïejijibie
