SAAL 2 Åarjelsaemien fierhtenbeajjetje jieliemisnie - Aalkoekuvsje 2.boelhke Lohkehtimmiegïele: Åarjelsaemien. Gusnie: Aarbortesne. Nænnoes jïh intensijve lohkehtimmiemodelle: 15 lohkehtimmietsiehkieh. Lohkehtimmiesoejkesje: Lohkehtallemh, tjåangkoeh jïh tæjmoesoejkesjem daesnie gaavnah.
Våarhkoe December 2021
Goelkegaamegh Garres-tsïengelen 7.-9.biejjiej gåarodh!
Mijjieh goelkegaamegh gåaroejibie. Gusnie: Sjeltien gåetesne Maajehjaevresne. Gïeleviehkie lea mealtan kuvsjesne.
Hanna Outakoski Tjaalehraajroe-nehtetjåangkojne lohkehtalla
Fil.dr. Hanna-Máret Outakoski lea voestes amanuensis Upmejen universiteetesne jïh Nöörjen arktihke universiteetesne (UiT). Outakoski lea lohkehtæjjine Upmejen universiteetesne barkeme jaepien 2001:n raejeste jïh tjaktjen 2021 lea guessielohkehtæjjine Saemien Jillieskuvlesne/Sámi Allaskuvlesne barkeme. Outakoski joekoenlaakan dam saemien online-lohkehtimmiem maahta jïh lea aaj joekoenlaakan darhkeme guktie virtuelle veartenh maehtieh gïelelohkehtimmiem geervealmetjidie dåarjodh. Outakoskin suerkie lea lingvistihke, mohte sov dåakteretjaalegisnie jïh internationelle post.doc prosjektesne lea tjaelemem, sosiolingvistihkem jïh lohkehtimmiedaajroem darhkeme. Dennie lohkehtimmiedaajrosne lij gïeledidaktihke eeremes jarngesne. Outakoskin båetije prosjekth, mah daan gïjren 2022 aelkieh, dellie edtja vuartasjidh jïh vihtiestidh litteracitetspraksijsem gelliengïeleh aarhskuvlesne jïh edtja aaj goerehtidh man vihkele stååkedimmie lea gïelelohkehtimmesne.
