Mijjieh Saemien Tjeahpoegoevtesinie aktese vyökijibie dam seminaarem öörnedh.
Vuep! seminaaren åvtelen mijjieh digitaale konsertese böörijibie, gusnie mijjen Marja Mortensson joejkeste jïh lååvle seamma svaalhtesinie tsåahka 17.15 goh seminaare lea.
Saemien tjiehpije Tomas Colbengtson båata modernismen ovnohkens maadtoem vuesiehtidh. Jïjnjesh eah daejrieh man lïhke modernisme jïh aalkoeåålmegi aerpiesïejhme tjaalehtjimmieh leah. Modernismen tjiehpijh, vuesiehtæmman Picasso, leah skreejremem aalkoeåålmegi kultuvreste gaavneme jallh sijjen tjeahpoeh leah tjïelke vualkoe aalkoealmetji kultuvreste. Læjhkan idtjin aalkoealmetjh dan gaavhtan dåhkesjh, mohte dejtie barre goh primitijve almetjinie vööjnin. Göökte öövre joekehts vuajnoeh. Tjeahpoe/kåanste lea jillierïjhki kultuvresne aarkebeajjetje jieliemistie tjoehpesovveme, mohte tjeahpoe/kåanste lea aalkoealmetji aarkebeajjetje jieliemisnie iktesth mealtan. Jillierïjhki kultuvresne tjeahpoe/kåanste lea ekonomijen gaavhtan, mohte aalkoealmetji tjeahpoe jielemem nænnoste.
Dåeredh digitaale tjåanghkoem daesnie:
Svaalhtese Zoomese: https://zoom.us/j/95420489371
Programme:
18.00 Sïjti Jarngen åvtehke Josefina Skerk hååle
18.05: Tomas Colbengtson – Modernisme jïh aalkoeåålmehkultuvre
18.50: Saemien Tjeahpoejarngen direktööre, Kristoffer Dolmen hååle
19.05: Gyhtjelassh
19.20: Galhkuve
