Workshopen ulmie lea jienebh skreejrehtidh vielie saemien tjaeledh guktie nimhtie jearsoes saemiengïeleh tjaeliejinie sjïdtijibie jïh nimhtie vielie saemien teksth åadtjoejibie. Daarpesjibie vielie saemien tjaelijh mah mijjen gïelem hammoedieh jïh evtiedieh.
Programmem sjïehtesjibie daerpiesvoeti jïh vaajtelassi mietie. Gieltegs aamhtesh leah kaanne baakoegærjah, terminologije, tekstevierhtieh, staeriedimmieprogramme, programme mij baakojde syjjehte, jarkoestimmieprogramme jïh aaj soptsestalledh mij lea buerie tekste jïh mij ij leah buerie tekste etc. Mijjieh programmem jeatjahtehtiejibie, gosse åadtjoejibie daejredh maam dah gïeh mealtan workshopesne sijhtieh jïh daarpesjieh daejredh gosse åarjelsaemien tjaeledh. Tjaelieh daelie joe gosse workshopese bïeljelidie, mejnie sïjhtijidie barkedh. Mijjieh edtjijibie aaj dan bïjre voestes biejjiem soptsestalledh.
Daennie workshopesne vihkele åadtjodh jïjtje tjaeledh, guktie dejtie teknihke gïeledïrregidie lïeredh åtnose vaeltedh jïh aaj soptsestalledh magkeres dåeriesmoerh mah jïjhtelieh gosse saemien tjaeledh – Mijjieh edtjijibie aaj viehkine jïh resurssine sinsætnan årrodh.
Vaeltieh jïjtjedh maskijnem mealtan jïh tjaelemeprosjektide mejgujmie barkeminie.
Ressursalmetjh: Sïjti jarngen gïeleråajvarimmiej prosjekteåvtehke Gaebpien Maajja Læjsa/Maja Lisa Kappfjell, professore Trond Trosterud, førsteamanuensise Lene Antonsen jïh bijjieingenijööre Børre Gaup + Gaajhkesh dovnesh gïeh mealtan.
Gaskevåhkoen 13.10:
13.00 – 17.00:
- Jïjtjen tjaelemedååjrehtsh jïh daerpiesvoeth jeatjabidie soptsestidh.
- Maam daarpesjem jïh sïjhtem gosse saemien tjaeledh?
- Sinsitnien tjaelemedååjrehtsh govledh jïh dej bïjre rååresjadtedh.
- Teknihke viehkie gosse Divvun-programmide maskijnide sijjiedehtedh etc.
Duarstan 14.10:
09.00 – 12.00:
- Lïeredh guktie dejtie teknihke viehkiedïrregidie åtnose vaeltedh gosse saemien tjaeledh.
- Jïjtje tjaeledh.
- Gïelehdåeriesmoeri bïjre soptsestalledh jïh rååresjadtedh.
12.00-13.00:
- Beapmoeh Åarjelsaemien Vierhtiesåafosne/Sørsamisk kunnskapspark
13.00 – 17.00:
- Jïjtje tjaeledh.
- Gïelehdåeriesmoeri bïjre soptsestalledh jïh rååresjadtedh.
Bearjadahken 15.10:
09.00 -12.00
- Åeniedimmie soptsestallemistie: Mejtie gïeledïrregh viehkine orreme gosse tjaaleme?
- Orre dåeriesmoerh gïelen bïjre jæjhteme?
- Maam båetije biejjide sïjhtijibie?
Programme kaanne jeatjahtåvva.
